Somos fendo camín enta la luz, caminamos como mixins perdius, argüellosos pero sin endrezera, ríos d'ideyas sin trobar mar en do achuntar-sen, suenios tresbatius en as mugas d'o esmo.
Somos treballando en una fabrica sin de maquinaria, nadando en ozeanos de sangre, soldaus en un echerzito de pantasmas, os zombis d'una soziedá que no mos tiene medrana.
Somos en as margins de un uniberso que mos odia y mos cudia, estrelas que naxen y mueren, minchando-se as planetas antes meigó y cautibó, amor por una bida que ye como una biera sin amo en meyo d'una fiesta.
Seremos os dueños d'un futuro que no queremos costruir, tenemos un erenzio que no emos demandau, nabatiamos sin remar en un furo río, quizau a cordura nomás mos arribe cuan crebemos todas as lais.
No hay comentarios:
Publicar un comentario