No boi á ficar o bideo de 'A bida de Brian' sobre as eszisions. Anque ye una sobrebuena parodia sobre o funzionamiento que muitismas begadas se da sobre tot entre os partius de cuchas, a berdat ye que sin de eszisions nunca no bi aberba cambios, y tampó no se poderba abanzar.
Güe mos debantamos con a notizia (anunziada) de que os creticos de EA en Gipuzkoa se'n ban y crean un nuebo partiu, 'Alkarbide', seguntes istos creticos EA leba una deriba estratechica que ha feito irreconoxible o partiu ta la mayoría de o suyo publico.
As guerras internas siempre son tristas, y cal parar cuenta en que dezisions que se toman dende as direuzions, anque puedan estar "legals" pueden estar tamién a simién de una nueba luita entre o Fren d'o Pueblo Chodaico y o Fren Chodaico Popular.
