Á begadas me alcuerdo de cuan bibía en Anglaterra, cal dizir que teneba cosas buenas, a biera, as gambadetas que se podeban fer fazilmén por o mon, os pubs, bellas cosas de minchar que aquí no se i troban...
A telebisión yera millor que aquí, no esistiban pas Belenes Estebanes ni toda ixa farfolla que amanixen tan á ormino. A telebisión publica yera publica de berdá (bosabas as peitas correspondiens) y as telebisions pribadas no meteban tanta publizidá.
Uno de os presonaches más importans de a telebisión anglesa ye Simon Cowell, ye a presona que imbentó X Factor y dimpués Britain's got talent, as telebisions de aquí han feito bersions de os dos, pero á yo me cuacaban más en Anglaterra. Asinas que ayere estiemos buscando en Youtube bideos de istos programas, y trobemos uno que mos fazió muitismo goyo, y como as cosas buenas creigo que cal compartir-las aquí ba, una mezcla de Michael Jackson con un toque de baile Bollywoodiense. Mola!!
Si querez beyer o bideo completo y en millor calidat aquí tenez atro binclo:
