viernes, febrero 19, 2010

O zaguer articlo en aragonés

Ya ha surtiu a propuesta grafica por parti de 'lEstudio de Filología Aragonesa, tamién conoxida como l'academia.

No me cuaca, ta yo no bi ha criterio ochetibo, á cada dezisión se le da una chustificazión, pero ta yo no ye coderén.

Pero tampó no quiero dezir más, ya debatí con barrenau, iste neoarcaismo ye lo que ha surchiu de un consenso más u menos gran y caldrá azuetar-lo.

Pero esperaré dica que l'academia de o gubierno de Aragón faiga os regles que creiga menester (que suposo serán os azeutaus en istanzias ofizials) y á cascar-la, ixos serán os que emplegue. Si se apreba la grafía neoarcaica cumpliré, pero me parixe nefasta.

Asinas que dica que ixo bi plegue no boi á escribir cosa en aragonés.

5 comentarios:

picarralero67 dijo...

Pues yo feré servir-la como propria, porque replega algo que venimos defendendo beluns dende fa anyos: tornar á las uves y ce-ci.
No creigo que siga más incoderent que la de lo 87. Tampoco no creigo que siga menister que una grafía siga mui coderent, millor que siga funcional. Y en istos anyos a grafía de lo 87 no s'ha espardiu entre os fablans de a Montanya.
A poco que a chen de "l'Academia" (porque en ixo tiens razón: ista chen no ye denguna autoridat lingüistica, por dicir isto me crucificaron a yo tanto la chen de l'autoanomenau MLNA como de CHA fa uns años) ha ascuitau á os poquetz fablans patrimonials que'n quedan, ha tornau a las uves y as ce-ci.

Florencio dijo...

Ese es el tema, ¿se hace una grafía pensando que la gente mayor que la habla se va a molestar en aprenderla?

Si se hace para los 4 que escriben pues vale, pero para eso que se acepte la grafía castellana que es mucho más sencilla (por conocida)y la gente la utilizará de manera más natural.

Y sinceramente, no veo ninguna ventaja para aquellos que quieran aprenderla como una nueva lengua.

Además, con el país que tenemos hay que pensar en clave política, el aragonés si llega algún día a los institutos será como mucho como optativa, si encima chavales que escriben como el culo en castellano, se tienen que poner aprender en una optativa todas las reglas del neoarcaico vamos de culo y cuesta abajo, eso sí con una grafía pincha pincha.

picarralero67 dijo...

Bueno, yo creigo que lo prencipal problema de o movimiento d'esfensa de l'aragonés ye ixa delera con enganyufar-se á si mesmo de contino que'n tien.
En iste asunto, ni bi ha consenso alredor de Chuntos por l'Aragonés (ni por la autoanomenada Academia, que ya ye reculando y fendo servir o suyo verdadero nombre), ni bi ha reconoximiento oficial de o Guvierno d'Aragón de l'autoridat lingüistica d'ista autoanomenada Academia.
Isto ye un fracaso estratechico de Chuntos por l'Aragonés, se veiga como se veiga, porque lo pior ye que fa cinco anyos beluns ya lo avisemos: ni bi heba autentico consenso (remera: CFA, REA y IEA s'en fueron de lo II Congreso) ni o Guvierno d'Aragón iba a reconoxer l'autoridat de l'Academia.
Y creigo que sí, que tiens razón, que si se fan reformas d'ista propuesta, han de fer-sen amanando-la encara más ta la castellana. Por exemplo ixo d'escribir "questión" ye una fateza, y he d'almitir que encara que me cuaque asabelo a yo, ixo de a ny fa mal á os huellos de muita chent.
Pero bueno, CHA y o Consello apuestan por a grafía de lo 87 (encara que bels de os suyos socios y afillaus no). A la fin, tot se resolverá por una negociación politica.
Y lo que dices: lo que diga l'Academia de verdat será lo que tengamos que fer.

Barrenau dijo...

1. Me fa muita pena que dixes d'escribir en aragonés. Si no te fa goi a nueva grafía no la faigas servir, pero l'aragonés no puede permitir-se perder fablants ni escritors.
2. O proceso encara ye ubierto. Si belún quier alportar-ie cosa puet fer-lo. Bi ha cosetas que yo tampoco no las veigo funcionals...
3. Dengún no aspero a que as normas d'o 87 estasen aprebadas por garra guvierno. ¿Porqué istas sí, si tienen más consenso?
4. D'o Congreso, basicament se'n salioron Nagore y Navarro. Chent d'as tres asociacions que nombra picarralero se i quedó y en l'Academia bi ha consellers.
5. Esfender que antis se faiga servir una norma castellana que no a grafía ACAR me parix increyible.

picarralero67 dijo...

Barrenau, Nagore ye lo president de o Consello Asesor y o mainate de lingüistica de o IEA. Chusé Inazio Nabarro ye o President de o Consello de a Fabla.
Os atros socios de o consello que son en EFA no tienen o refirme de o conchunto de a suya asociación (Nagore y Nabarro sí), u siga que bi son á tetulo presonal.
Bi ha veces que creigo que no somos capables de comprender o concepto de respresentatividat.