Graus de colonizazión

Sí que ye berdá, como mos recuerda á ormino Aragón colonial, que somos colonizaus y muito, cal dizir que aquí en Euskadi tamién esiste ixa colonizazión (más de a que yo en primeras creyeba). Pero tamién ye zierto que bi ha esferenzias prou claras. A zaguera que ha surtiu ye de man de Antonio Basagoiti, o presidén de o PP en o País Basco.

Ha dito que no ye de alcuerdo con o grupo parlamentario de o PP en Madrid sobre o tema de a finanziazión basca. Ha rematau dizindo que si no le fan caso en Madrid que: "Y si no se atienden, sólo me quedará pedir que vengan ellos a presentarse por el País Vasco"

Me alcuerdo de cuan o trescole yera l`unico tema de o que se charraba en Aragón, me alcuerdo de charrar con chen de o PP y que me deziban que no yeran de alcuerdo con a mida, que yeran consziens de que yera un tema capital ta Aragón y que les chitaba de o poder por un buen tiempo, pero que acataban o que diziban dende Madrid. No bi abió garra dirichén destacau (no cuento á Acín) de o PP en Aragón que planteyase bella cosa diferén de a que mandaban dende Génova.

Sí, aquí en Euskadi tamién son colonizaus, pero siempre bi abrá esferenzias, y o PP de Aragón y o PP de Euskadi se parixen más que más en o logotipo y prou.