A berdat ye que dende siempre he sentiu a radio. Mi pai gosaba sentir-la de maitins u de tardi, fendo os suyos quefers rutinarios. En tiengo muitos recuerdos, pero me quedaré con dos, 'Protagonistas' de Luis del Olmo y 'La Radio de Julia'. Tiengo muito dentro de yo, entre atras cosas, como se mezclaba la informazión más seriosa con espazios de umor, remero por exemplo 'El jardín de los bonsais' y como se feba cretica bien azeta de a realidat sozial y politica.
De as radios estatals a que más goso sentir agora ye RNE1, por dos razons, primero porque no i meten publizidat, que a berdat siga dita me molesta muito, y dimpués que, de as radios estatals, ta yo ye a más plural y a menos politizada. Tiene muitas cosas buenas, pero con una de as que más me esmelico ye 'La feria de las vanidades', fan un repaso umoristico brutal y sobrebueno. Por cierto se pueden trobar en o 'Facebook' y allí se pueden sentir as suyas autuazions diarias. As presonas que forman A feria d'as banidatz son: Fernando Martín, Mónica Chaparro, Dani Martínez y Roberto López Herrero.
Son toz chenials pero güei he parau cuenta en que bi ha una esferenzia capital respeuto atros tiempos. A esferenzia ye Mónica Chaparro, ista muller puede imitar cualsiquier boz femenina y fer-lo con muitisma solbenzia y grazia. Ella ye sobrebuena pero ye tamién o simbolo de que ta imitar a realidat (politica y sozial) fan falta cada begada más mullers e ixo ye positibo ta todas nusatras. Asinas que A Feria d'as Banidatz y Mónica Chaparro entadebant y a continar por ixe camino de cretica azeta y buena umor.
No hay comentarios:
Publicar un comentario