Con Yesa mos trobamos á la CHE y á os politicos que refirman o recreximiento de Yesa. Son chugando á la ruleta rusa pero no pas con as suyas bidas, sino con as bidas de muitismas presonas auguas abaxo d'o entibo, son malfurriando diners publicos en unas obras innezesarias cuan muita chen ye pasando fambre, cuan a educazión y a sanidá cada begada tienen menos recursos.
Chuegan á la ruelta rusa como imbézils que son, saben que bi ha estudios que dizen que puestar que dentro de 200 anyadas u puestar que dentro de 1 bi abrá un lurte de tierra dende as montanyas, u fallarán os alazez d'o entibo, pero son como lo chugador de ruleta rusa que piensa que tiene 80% de posibilidaz de bibir, olbidando que esiste un 20% de posibilidaz de que nunca no torne á chugar.
Son encara pior que imbézils, porque os mecos nomás chugan con a suya existenzia, ista colla de matutans chuga con diners publicos, diners que dimpués ban ta grans interpresas que dimpués ban á finanziar partius politicos, sin preoucupar-les garra as bidas d'as presonas, istos entes tratan de acotolar a dinnidá de a chen de Artieda. Ista chentota no merexe atra cosa que o nuestro disprezio.
No hay comentarios:
Publicar un comentario