Somos muito amán d’o salto, as chens de cuchas caminamos derrotadas, ye berdá que tenemos ixa fazilidá tanto ta la cretica como ta l’abatimiento, somos depresius, qué se ba á fer.
Pero por ixo prezisamén creigo que os arbols no mos dixan beyer a selba. Parixe que os neoliberals son marcando lo futuro en os países ozidentals, pero no ye mas que ixo, pura aparienzia. Os liberals no son sino en l’inte d’o rebote d’o mixín muerto. O rebote d’o mixín muerto ye una d’as espresions de Wall Street que sinnifica una puyada artificial d’a bolsa normalmén tras una esferra finanziera.
O mundo ya no se podrá gobernar como se ye estau fendo as zagueras decadas, o sistema ye difízil que dé mas de sí. De seguro que no puede soportar más de dos mil millons de asiáticos con 1,5 autos por presona, cuan menos no como se ye estau fendo dica agora, y China e India son fendo alto baxo lo mesmo que America d’o Norte en as añadas 50 d’o sieglo pasau. Preban de consumir menos azero por cada auto, pero a cantidá que cal fabricar ye tan chigán que no creigo que se trobe a traza de cuadrar o zerclo. Y cuan charramos de autos podemos fablar tamién de neberas, fornos u ordinadors.
O sistema financiero encara no ye recuperau, as reboluzions en os países árabes muestran cómo no se puede embolicar á toda la chobenalla, dizindo que ban á tener un futuro millor, que ban á bibir como los europeos y dimpués dixar-los una mica millor u igual que como i yeran.
O futuro será d’o país u países que demuestren que decrexiendo economicamén, se puede aumentar a calidá de bida d’os suyos abitadors, y en ixa demba os países chicotes tienen bentaxa sobre os grans. A reboluzión ye muito más amán d’o que pensamos, l’unico problema será que cuan arribe a reboluzión será por una custión que mos vendrá dada, no porque l’aigamos buscau.
Pero por ixo prezisamén creigo que os arbols no mos dixan beyer a selba. Parixe que os neoliberals son marcando lo futuro en os países ozidentals, pero no ye mas que ixo, pura aparienzia. Os liberals no son sino en l’inte d’o rebote d’o mixín muerto. O rebote d’o mixín muerto ye una d’as espresions de Wall Street que sinnifica una puyada artificial d’a bolsa normalmén tras una esferra finanziera.
O mundo ya no se podrá gobernar como se ye estau fendo as zagueras decadas, o sistema ye difízil que dé mas de sí. De seguro que no puede soportar más de dos mil millons de asiáticos con 1,5 autos por presona, cuan menos no como se ye estau fendo dica agora, y China e India son fendo alto baxo lo mesmo que America d’o Norte en as añadas 50 d’o sieglo pasau. Preban de consumir menos azero por cada auto, pero a cantidá que cal fabricar ye tan chigán que no creigo que se trobe a traza de cuadrar o zerclo. Y cuan charramos de autos podemos fablar tamién de neberas, fornos u ordinadors.
O sistema financiero encara no ye recuperau, as reboluzions en os países árabes muestran cómo no se puede embolicar á toda la chobenalla, dizindo que ban á tener un futuro millor, que ban á bibir como los europeos y dimpués dixar-los una mica millor u igual que como i yeran.
O futuro será d’o país u países que demuestren que decrexiendo economicamén, se puede aumentar a calidá de bida d’os suyos abitadors, y en ixa demba os países chicotes tienen bentaxa sobre os grans. A reboluzión ye muito más amán d’o que pensamos, l’unico problema será que cuan arribe a reboluzión será por una custión que mos vendrá dada, no porque l’aigamos buscau.
No hay comentarios:
Publicar un comentario