Puestar que ta muitos charre de preistoria, pero creigo que estió en 2003, una añada dimpués d'a Declarazión de Mallorca, en a que partizipó Chobenalla por o no siempre bien ponderau Ripa. Yéranos en León prebando de trazar una linea de autuazión más u menos común, a berdá ye que muitas d'as organizazions yeran alticamadas por a repercusión que a declarazión de l'año pasau eba teníu en a caberna españolista y por os palos que se eban lebau (creigo que andaluzes, leoneses, balenzianos y asturianos prinzipalmén) les eban acusau d'o tepico, que si terroristas, proetarras y demás.
Asinas que no surtía cosa adebán, de tal traza que cadagún prebó de sacar cosetas entadebán, os de Gazte Abertzaleak, yeran con o tema de o Egunkaria, que allora prenzipiaba, preguntoron á todas as organizazions que si refirmaban un escrito de apoyo, muitas dizioron que no, me alcuerdo como si estase ayer, cuan binioron á nusatros (otubre17, Ripa y yo mesmo) y mos preguntoron no tubimos ni que charrar, mos miramos á las caras un inte y contestemos chuntos que profes, que ixo no se podeba permitir.
Siete años dimpués, que se dice pronto, a chustizia á dau a razón á o diario, y dize que mesmo lo zierre estió inconstituzional. Ye penible que en España pasen istas cosas, pero más penible ye a chen que pasa de istos temas...
No hay comentarios:
Publicar un comentario