UN POQUET DE CRETICA
Chobenalla ye enmarcada dende o suyo penzipio en un proyeuto muito más amplo de recostruzión nazional, no fa falta dizir que ye CHA la que mos mena y a que mos ofrexe o suyo marco teyorico y loxistico, pero isto no mos ha de enzegar y nusatros y nusatras, os que encara somos chobens, emos de estar creticos, con tot, y sin xublidar-nos pas de Chunta Aragonesista.
No cal estar siempre en guerra y creyer que cualsiquier ideya u custión que surta d’o partiu ye ta florer-nos, pero tampó no bi ha que cayer en l’autocomplazenzia, en a mía opinión abemos de pensar que no somos en o millor proyeuto ta Aragón, sino que somos en o que ye menos malo, y por ixo cal estar continamén escurriendo en cosas que amilloren o nuestro proyeuto y asinas también o nuestro país.
Como me diziba somardonamén un chobenallo: “Sí, ixos d’a CHA, los conoxco, no son mala chen, creigo que les botaré en as prosimas eleuzions”, no se ye fendo mal, treballar en as istituzions no ye pas fázil, más cuan en muitos casos (á ran local sobre tot) os meyos d’os que se disponen no son más que a ilusión y as ganas de treballar. Pero reconoxer lo que se fa no quita ta creticar lo que no se fa, y ta yo agora mesmo CHA ye en muitas custions lo mismo que o PSOE. Se han albandonau ideyas nazionalistas porque parixe que dan medrana á o eleutorau, se han suabezau posturas más á la cucha que o PSOE, allora yo me pregunto, ¿qué esferenzia bi ha pues entre CHA y PSOE?, pues fuera d’a politica idrulica y o dretito de autodeterminazión (dreito que parixe quere amagar-se dentro d’os programas eleutorals), parixe que poco u cosa, ¿en qué se esferenzia CHA d’o Partiu Sozialista de Cataluña de Maragall?. E isto no ye pas grau en o sendito de que a militanzia sepa la esferenzia (¿la sape? ¿dó ye a formazión d’a militanzia?); a custión ye que si o eleutorau mayoritario no ha esclatero que CHA ye prou esferén d’o PSOE, se producirá la fagotizazión d’o más chicote por o más gran. Iste ye un luxo que no se puede permitir o mobimiento nazionalista aragonés.
Asinas que muito güello, o PSOE ye esperto en minchar-se partius de cuchas que yeran esgarrañando botos y creyando nuebas trazas de beyer á la soziedá. Ta ixa chen ellos SON a cucha, o resto no somos sino repuis dimpués de una chenta que cal rebañar. CHA no puede esta un meco útil que á cambeo de 4 cargos, 2 conzesions en temas culturals y de politica idrulica, dé con os suyos botos o poder á partius zentralistas que no fan sino utilizar a nuestra nazión como pión en o chuego de axedrez d’a politica peninsular, Aragón ha de estar dama, y que siga ella la que dezida qué fer en cada inte, Chunta Aragonesista ha de marcar territorios y esferenzias con o PSOE, cal aber un proyeuto de país que a chen conoxca, cal dixar as cosas prou esclateras. Se puede estar federalista en do a zaguera dezisión se faiga dende Madrid u federalista do Aragón tienga la zaguera parola en tot lo que le afeute direutamén. Se puede estar sozialdemocrata u sozialista. Nusatros y nusatras, os/as chobens, abemos a parola, si belún u beluna dandalea en a suya opinión sobre isto que soi dizindo que chite una güellada á o PAR.
Chobenalla ye enmarcada dende o suyo penzipio en un proyeuto muito más amplo de recostruzión nazional, no fa falta dizir que ye CHA la que mos mena y a que mos ofrexe o suyo marco teyorico y loxistico, pero isto no mos ha de enzegar y nusatros y nusatras, os que encara somos chobens, emos de estar creticos, con tot, y sin xublidar-nos pas de Chunta Aragonesista.
No cal estar siempre en guerra y creyer que cualsiquier ideya u custión que surta d’o partiu ye ta florer-nos, pero tampó no bi ha que cayer en l’autocomplazenzia, en a mía opinión abemos de pensar que no somos en o millor proyeuto ta Aragón, sino que somos en o que ye menos malo, y por ixo cal estar continamén escurriendo en cosas que amilloren o nuestro proyeuto y asinas también o nuestro país.
Como me diziba somardonamén un chobenallo: “Sí, ixos d’a CHA, los conoxco, no son mala chen, creigo que les botaré en as prosimas eleuzions”, no se ye fendo mal, treballar en as istituzions no ye pas fázil, más cuan en muitos casos (á ran local sobre tot) os meyos d’os que se disponen no son más que a ilusión y as ganas de treballar. Pero reconoxer lo que se fa no quita ta creticar lo que no se fa, y ta yo agora mesmo CHA ye en muitas custions lo mismo que o PSOE. Se han albandonau ideyas nazionalistas porque parixe que dan medrana á o eleutorau, se han suabezau posturas más á la cucha que o PSOE, allora yo me pregunto, ¿qué esferenzia bi ha pues entre CHA y PSOE?, pues fuera d’a politica idrulica y o dretito de autodeterminazión (dreito que parixe quere amagar-se dentro d’os programas eleutorals), parixe que poco u cosa, ¿en qué se esferenzia CHA d’o Partiu Sozialista de Cataluña de Maragall?. E isto no ye pas grau en o sendito de que a militanzia sepa la esferenzia (¿la sape? ¿dó ye a formazión d’a militanzia?); a custión ye que si o eleutorau mayoritario no ha esclatero que CHA ye prou esferén d’o PSOE, se producirá la fagotizazión d’o más chicote por o más gran. Iste ye un luxo que no se puede permitir o mobimiento nazionalista aragonés.
Asinas que muito güello, o PSOE ye esperto en minchar-se partius de cuchas que yeran esgarrañando botos y creyando nuebas trazas de beyer á la soziedá. Ta ixa chen ellos SON a cucha, o resto no somos sino repuis dimpués de una chenta que cal rebañar. CHA no puede esta un meco útil que á cambeo de 4 cargos, 2 conzesions en temas culturals y de politica idrulica, dé con os suyos botos o poder á partius zentralistas que no fan sino utilizar a nuestra nazión como pión en o chuego de axedrez d’a politica peninsular, Aragón ha de estar dama, y que siga ella la que dezida qué fer en cada inte, Chunta Aragonesista ha de marcar territorios y esferenzias con o PSOE, cal aber un proyeuto de país que a chen conoxca, cal dixar as cosas prou esclateras. Se puede estar federalista en do a zaguera dezisión se faiga dende Madrid u federalista do Aragón tienga la zaguera parola en tot lo que le afeute direutamén. Se puede estar sozialdemocrata u sozialista. Nusatros y nusatras, os/as chobens, abemos a parola, si belún u beluna dandalea en a suya opinión sobre isto que soi dizindo que chite una güellada á o PAR.
No hay comentarios:
Publicar un comentario