Formiguetas

No más traigo ista curiosidat sacada de NewScientist, en primeras parix que son u formigas punkis, una mena de esperienzia artistica u una nueba espezie de formigas. Pero no son cosa de ixo, ye un esperimento en do se pintoron más de mil formigas (cada una de traza diferén) ta estudiar cualas treballaban millor, si as que yeran espezializadas en una funzión u as que podeban fer de tot una mica. O resultau estió que as espezialistas no treballaban millor que as que no lo yeran. Iste estudio aduyará á comprender a soziedat d'as formigas, antimás mos puede amostrar cómo programar robots, pero yo no puedo dixar de pensar en sesudas zientificas pillando as formiguetas ta marcar-las con pintura, más de mil, cada una pintada de traza diferén, ixo sí que ye amor á la zienzia.