Como dizen os angleses 'spot the difference!' Pues ixo, que me han pasau una preba más de que l'aragonés ye una luenga que no tiene refirmes dentro d'o nuestro país. O conzello más importán de Aragón olbida la nuestra luenga, aquí ban os cartels. Iste d'a cucha ye antis d'as zagueras eleuzions munizipals. O de la dreita ye feito dimpués.
Os blogueros en aragonés quieren manifestar o siguién:
1. Que a presenzia testimonial de l'aragonés en a cartelería d'o Conzello no fa mal a dengún y que mesmo ripresenta a dibersidat lingüística y cultural d'a ziudat
2. Que o nuebo conzello de Zaragoza, no nomás no adedica diners ta l'espardimiento d'a dibersidat cultural sino que mesmo gasta diners en borrar o rastro d'a luenga aragonesa
3. Que a nueba corporazión monezipal fa a mesma errada que atros muitos fendo identificazión de l'aragonés con una opzión politica y por ixo han gastato diners de l'erario publico ta borrar l'aragonés d'a cartelería
4. Remeramos que o Conzello de Zaragoza por unanimidat dezidió fa dos años refirmar o proyeuto "Chuntos por l'aragonés" que lebó enta o II Congreso de l'Aragonés y que ista dezisión de cambear os cartels no ye que un refús d'as suyas propias dezisions ta refirmar os triballos por l'aragonés y l'espardimiento d'ista luenga
5. Reibindicamos que sobre tot en as areas de Chobentú y Cultura se faiga serbir a retolazión bilingüe aragonés/castellano como s'ha feito en as zagueras añadas
6. Demandamos, amás, una esplicazión d'o gasto que suposa cambear una carteleria nomás ta borrar una luenga
Si querez nimbiar a buestra quexa ta o Conzello de Zaragoza podez fer-lo a trabiés d'iste buzón de soxerenzias, y tamién a l'adreza de correyo eleutronico jefjuventud@zaragoza.es que ye a d'o serbizio de Chobentú d'o Conzello. Tamién podez escribir a la conzellera delegada de l'area de Chobentú Isabel López
No hay comentarios:
Publicar un comentario