Dende fa un tiempo soi beyendo por as carreras de Bilbo más y más pordioseros, no lo emplego pas de traza despeutiba, sino en o suyo sendito etimolochico, son chen que muitismas begadas en os suyos cartels mentan á Dios y á la caridat ta que les dones diners.
Puestar que siga la crisis, pero sí que ye berdat que o suyo numero ha crexiu muitismo, de tal traza que prauticamén no bi ha una carrera medianamén importán en do no trobes cuan menos dos u tres. I son os de toda la bida, chen gran en muitos casos, que gosan tener o suyo tetrabrick de bin prou amán. Pero agora bi ha muitas mullers que tienen toda la pinta de estar de bel país de l'este, da toda la impresión de que se reparten as zonas y allí son, tot lo diya, de chenullos muitas de ellas, sin dezir cosa, pasando lo diya.
A chen que treballa con os escluyius d'a soziedat dize que no bi ha que dar-les pon, porque asinas lo que fas ye perpetuar o suyo estilo de bida y lo que cal fer ye sacar-los de a carrera y que consigan bibir dinnamén. Á yo me se plantea la duda de qué fer, por un costau no puedo dar diners a toz os que beigo, anque podese creigo que no lo ferba por isto que remato de dizir y por atro tiengo la impresión de que ista zaguera botinada de mullers pordioseras forman parti de una mena de mendizidat organizada, y o feito de no beyer pas ombres me se fa raro, ¿biben de ellas? ¿treballan? ¿qué fan?
1 comentario:
Aquí en Zaragoza no se ven más, pero los de siempre sí que están peor. La gente ya no da dinero, y lo comprendo.
Yo jamás he dado dinero, no por nada, que no me importaría, sino porque se de muchos que pertenecen a una mafia, así que... por mi parte, posiblemente, paguen justos por pecadores.
Publicar un comentario